Amerika Birləşmiş Ştatlarının (ABŞ) dövlət katibinin Avrasiya enerji məsələləri üzrə müavini Riçard Morninqstar gələn həftə Azərbaycana səfər edəcək. ABŞ-ın ölkəmizdəki səfirliyinin ictimaiyyətlə əlaqələr şöbəsinin əməkdaşı Mehdi Hüseynquliyevin ANS PRESS-ə verdiyi məlumata görə, R.Morninqstarın Azərbaycana səfərinin əsas məqsədi iyunun 1-2-də Bakıda keçiriləcək XVII “Xəzər Neft və Qaz” (“Caspian Oil & Gas-2010”) beynəlxalq sərgi-konfransında iştirak etməkdir.

Səfirlik nümayəndəsinin sözlərinə görə, R.Morninqstarın başçılıq etdiyi ABŞ nümayəndə heyətində bu ölkənin Energetika Nazirliyinin katibinin köməkçisinin müavini Conatan Elkayd da təmsil olunacaq.

“Neft-qaz sərgisindən başqa, R.Morninqstar Bakıda bir sıra ikitərəfli görüşlər də keçirəcək, Azərbaycanın dövlət rəsmiləri ilə görüşəcək. Hazırda səfərin proqramı tərtib olunur”, deyə M. Hüseynquliyev qeyd edib. ANSPRESS