Həsən Ruhani şərəfinə ziyafət təşkil edildi
13 Noyabr 2014 Cümə Axşamı 13:20
Azərbaycanda rəsmi səfərdə olan İran İslam Respublikasının Prezidenti Həsən Ruhani şərəfinə ziyafət təşkil edilib.
Azərbaycanda rəsmi səfərdə olan İran İslam Respublikasının Prezidenti Həsən Ruhaninin şərəfinə ziyafət verilib. ANS PRESS-in AzərTAc-a istinadla verdiyi məlumata görə, ziyafət Azərbaycan Respublikasının Prezidenti İlham Əliyevin adından verilib.

Ruhaninin səfəri ötən gün günorta saatlarında başalayıb. İlham Əliyevin və İran İslam Respublikasının prezidenti Həsən Ruhaninin nümayəndə heyətlərinin iştirakı ilə geniş tərkibdə görüşü olub. Azərbaycan və İran prezidentlərinin mətbuata birgə bəyanatla çıxış ediblər.

Xatırladaq ki, İran prezidentinin ölkəmizə səfəri doğum gününə təsadüf edib. Həsən Ruhani 65 yaşına Bakıda qədəm qoyub.

Həsən Ruhani İranın Semnan şəhərində, şah rejiminə qarşı mübarizə aparan bir ailədə doğulub. Hələ uşaq yaşlarından dini təhsil almağa başlayıb. Ruhani siyasətçi olmaqla yanaşı akademik və Şotlandiyanın Qlazqo Universitetinin doktorudur.

Öz siyasi fəaliyyətinə 60-ci illərdən Ayətullah Xomeyninin İslam hərəkatında başlayıb. Onunla birgə ölkə boyu səfərlər edərək şah rejiminə qarşı çıxışlar edib. Bu illər ərzində dəfələrlə həbs olunan Ruhani İslam inqilabından sonra daha fəal şəkildə siyasətlə məşğul olmağa başlayır.

Dünyanın digər siyasi qütbü olan Rusiyaya da Həsən Ruhani nüfuzlu bir siyasətçi kimi yaxşı tanışdır. İran kütləvi informasiya vasitələri Ruhanini danışıqlar aparmaq məharətinə görə “şeyx diplomat' adlandırır. Onun Azərbaycanla da kifayət qədər əlaqələri olub. Hətta o, 2001-ci ildə Bakıya səfər edərək burda yüksək səviyyəli görüşlər keçirib.

Ruhani prezident seçildikdən sonra isə Qərblə İran arasında danışıqları yenidən canlandı desək yəqin ki, yanılmarıq. Ruhaninin informasiya texnologiyaları, gənclərin geyim azadlığı ilə bağlı səsləndirdiyi fikirlər İranda olduğu kimi bütün dünyada bu siyasətçiyə qarşı müsbət fikirlər formalaşdırdı. Məsələn idman geyimində gəzintiyə çıxmaq, futbol izləmək və s. Bütün bunlar Ruhaniyə qədər İran siyasətində şahidi olmadığımız məqamlardır. Amma İranın dövlət kursunu prezident deyil, ali dini lider müəyyən etməsi isə dəyişməz olaraq qalır.



DOSTLARINLA PAYLAŞ:

oyunlar