APA-nın EURONEST-in saytına istinadən verdiyi məlumata görə, sentyabrın 14-də qurumun 4 daimi komitəsinin – Siyasi məsələlər; İnsan haqları və demokratiya; İqtisadi inteqrasiya, enerji təhlükəsizliyi və Avropa Birliyinin siyasətinə uyğunluq; Sosial məsələlər, təhsil, mədəniyyət, vətəndaş cəmiyyəti komitələrinin iclasları olacaq.

Sentyabrın 15-də sessiya Avropa Parlamentinin sədri Yeji Buzek və Avropa Birliyinin genişlənmə və Avropa qonşuluq siyasəti üzrə komissarı Ştefan Fülenin çıxışları ilə açılacaq. Sessiya çərçivəsində sentyabrın 29-30-da Varşavada keçiriləcək “Şərq tərəfdaşlığı” sammitinə tövsiyə xarakterli qətnamənin, Belarusa dair Bəyannamənin və assambleyanın 2011-2012-ci illər üçün iş planının qəbulu gözlənilir.

Sessiyada Azərbaycan nümayəndə heyəti də iştirak edəcək. apa