APA-nın “Habertürk”ə istinadən yaydığı xəbərə görə, E. Məmmədyarov həmkarına Dağlıq Qarabağ münaqişəsinin həlli ilə bağlı aparılan son danışıqlar barədə məlumat verib. Nazirlər bu mövzuda fikir mübadiləsi aparıblar.

E. Məmmədyarov və Ə. Davudoğlu Türkiyə, Azərbaycan və İran xarici işlər nazirlərinin görüşünün 2012-ci ilin yanvarında keçirilməsi barədə razılığa gəliblər. Onlar Fransa Senatının gündəmindəki uydurma “erməni soyqırımı”nı inkar edənlərin cəzalandırılması barədə qanun layihəsinə də toxunublar.