ANS PRESS-in xəbərinə görə, gizli olaraq həyata keçirilən bu layihənin iki müəllifindən biri olan Misir Silahlı Qüvvələri Səhiyyə Komandanlığı polkovniki Əhməd Amin ötən gün yeni icad barədə məlumat verib.

Misirli hərbi həkimlər tərəfindən yaradılan texnologiyanın adı "Complete Curing Device" (qısaca CDD) adlanır. Polkovnikin sözlərinə görə, bu texnologiyanın köməyiylə QİÇS və Hepatit C viruslarını qan nümunəsi almadan aşkar edərək yox etmək, sonra isə əhatəli müalicə etmək mümkündür.

20 il üzərində işlədikləri layihədən danışan Əhməd Amin, həmçinin bu cihazlarla müalicənin xərcinin az və Qərbdə tətbiq olunan müalicə üsullarından da fərqli olacağını söyləyib.

İlk olaraq iki hərbi xəstəxanada işlədilməsi planlaşdırılan cihazlarla rəsmi olaraq iyulun 1-dən xəstələrin müalicəsinə başlanacağı qeyd edilib.