Son günlər ölkə ərazisində uşaqlar arasında mədə-bağırsaq xəstəliklərinin artımı müşahidə olunur. Bu haqda məlumat verən K.Fərəcova adına Elmi Tədqiqat Pediatriya İnstitutunun direktoru Nəsib Quliyev xəstəliyin çoxalmasının havaların həddindən artıq isti keçməsi ilə əlaqədar olduğunu bildirib.

Səhiyyə Nazirliyinin baş pediatrı isti havanın eyni zamanda qida məhsullarından zəhərlənmə və bir sıra digər xəstəliklərin yayılmasına da səbəb olduğunu vurğulayıb, valideynlərə diqqətli olmağı məsləhət görüb: “Valideynlər övladlarını mövsümi xəstəliklərdən qorumaq üçün onların qidalarına xüsusi fikir verməli, uşaqları günəşli havada çölə çıxarmamalıdırlar. Yay aylarında 1 yaşadək körpələrin qidasını dəyişmək olmaz. Onlar yaz mövsümündə uyğunlaşdıqları qida rejimi ilə qidalansalar mədə-bağırsaq xəstəliyindən qoruna bilərlər”. ANSPRESS