Dominkan Respublikasında vəbaya ilk yoluxma halı rəsməe təsdiqlənib. Bu, qonşu Haitidən xəstəliyin bu ölkəyə keçməsinin təsdiqidir. Dominkanın Səhiyyə Nazirliyinin məlumatına görə, vəbaya yoluxma bir müddət əvvəl gələn Haiti vətəndaşında aşkarlanıb.

Qeyd edək ki, Haitidə vəba epidemiyası oktyabrın 20-də aşkarlanıb. İndiyədək 1000-dən çox adam bu xəstəlikdən dünyasını dəyişib, 16,7 min nəfər xəstəliyə yoluxub.

Vəba- Vibrio cholerae bakteriyalarının törətdiyi kəskin bağırsaq infeksiyasıdır. Vəba mikrobu çirkli su və qidada yaşayır. Xəstəlik epidemiya şəklində yayılır, orqanizmdə sürətlə maye itkisinə və nəticədə ölümə səbəb olur.