Aqrar bölmədə məhsul istehsalı artıb
14 Avqust 2012 Çərşənbə Axşamı 17:39
Aqrar bölmədə avqustun 1-nə kimi payızlıq və yazlıq dənli və dənli paxlalı bitkilərin əkin sahəsinin 97.8 faizi, yaxud 973.8 min hektarı biçilib, həmin sahələrdən 2564.7 min ton məhsul götürülüb.
Bu barədə Dövlət Statistika Komitəsindən “Olaylar”a verilən məlumata görə, orta hesabla hər hektardan əldə edilmiş məhsul 1.6 sentner artaraq 26.3 sentner təşkil edib. Bundan əlavə, məhsulu toplanmış 4.3 min hektar qarğıdalı sahəsindən 16.5 min ton məhsul götürülüb. Yığım başlanandan sahələrdən 521.1 min ton və ya keçən ilin müvafiq dövründə olduğundan 18.1 min ton çox kartof, 713.5 min ton (4.0 min ton çox) tərəvəz, 162.7 min ton (18.0 min ton çox) meyvə və giləmeyvə, 295.3 min ton (12.7 min ton az) bostan məhsulları, 395.4 ton (57.3 ton çox) yaşıl çay yarpağı, 1.6 min ton, yaxud 401 ton çox tütün toplanıb. Bu dövrdə 251.8 min ton, yaxud 2011-ci ilin yanvar-iyul aylarına nisbətən 3.5 faiz çox diri çəkidə ət, 1008.2 min ton (7.1 faiz çox) süd, 699.9 milyon ədəd (18.5 faiz çox) yumurta, 14.8 min ton (1.5 faiz çox) yun istehsal olunub. Beləliklə, keçən illə müqayisədə bitkiçilik məhsulları istehsalı 7.7 faiz, heyvandarlıq məhsulları istehsalı 5.7 faiz, kənd təsərrüfatının ümumi məhsulu 6.8 faiz artıb.
Qarabağ klubu satıldı
Misirli hücumçu Məhəmməd Salah Liverpulun ən bahalı oyunçusu oldu