Bu gün sənətkarın 73 yaşı tamam olur. Xalq artisti elə ad günü münasibəti ilə dünən İsveçrəyə gedib. Səfərinin məqsədi isə ad gününü və Yeni il bayramını İsveçrədə keçirməkdir. Bu barədə APA-ya məlumatı Zeynəb Xanlarovanın konsertlərinin təşkilatçısı “Səs Organization”un rəhbəri Nahid Emiloğlu məlumat verib. O bildirib ki, Zeynəb Xanlarova Yeni il bayramını da sözügedən məkanda qeyd etdikdən sonra yanvarın 5-də vətənə qayıdacaq.

Qeyd edək ki, xalq artisti Zeynəb Xanlarova 1936-cı ildə dekabrın 28-də Bakıda anadan olub. 1961-ci ildə Asəf Zeynallı adına Bakı musiqi məktəbini bitirib. 1961-ci ildən Mirzə Fətəli Axundov adına Azərbaycan Dövlət Akademik Opera və Balet Teatrının solistidir. APA