“Azərbaycan Televiziya və Radio Verilişləri” Qapalı Səhmdar Cəmiyyətinin “Azərbaycantelefilm” Yaradıcılıq Birliyində “Üzeyir Hacıbəyli" bədii-sənədli filminin istehsalına başlanılıb. Film professional Azərbaycan musiqisinin banisi, görkəmli bəstəkar, musiqişünas, dramaturq, jurnalist, pedaqoq və ictimai xadim Üzeyir Hacıbəylinin həyat və yaradıcılığına həsr olunub.

Bəstəkarın opera və operettalarından, musiqi əsərlərindən geniş istifadə olunacaq filmin çəkilişləri görkəmli sənətkarın 125 illik yubileyi ərəfəsində başa çatdırılacaq və tamaşaçılara təqdim ediləcək.

Filmin ssenari müəllifi Sərdar Fərəcov, quruluşçu rejissoru Tahirə Hüseynova, quruluşçu operatoru Zahid Bağırovdur. ANSPRESS