ANS TV-nin “Cümə Sevinc Osmanqızı ilə” verilişi Demokratik İslahatlar Partiyasının təsis etdiyi "Həsən bəy Zərdabi və Nəcəf Nəcəfov ənənələrinin davamı və inkişafı uğrunda" mükafatın qaliblərindən biri elan olunub. Partiyadan verilən məlumata görə, Sevinc Osmanqızı bu uğurlu telelayihəsinə görə, Milli Mətbuat Günü münasibətilə mükafat və diploma layiq görülüb.

DİP-in yaydığı bəyanata əsasən, əsas məqsəd jurnalistləri Azərbaycan mətbuatının əsası 1875-ci ildə Həsən bəy Zərdabi tərəfindən qoyulmuş, 20-ci əsrin 90-cı illərində Nəcəf Nəcəfov tərəfindən yenidən canlandırılmış maarifçilik ənənələrini davam etdirməyə, azad, demokratik və peşəkar mətbuatın formalaşması uğrunda yorulmadan mübarizə aparmağa, obyektiv və məsuliyyətli sözə üstünlük verməyə həvəsləndirməkdir. Bu mükafat DİP tərəfindən 2008-ci ildə təsis olunub. ANSPRESS