Bu gecə vəfat edən Azərbaycanın xalq artisti Telman Adıgözəlov bu gün saat 15:00-da Bakının Fatmayi kəndindəki qəbirstanlıqda, valideynlərinin yanında dəfn ediləcək. Mədəniyyət və Turizm Nazirliyinin mətbuat xidmətindən ANS PRESS-ə verilən məlumata görə, aktyorla vida mərasimi yaşadığı ünvanda keçiriləcək.

Xatırladaq ki, Akademik Milli Dram Teatrının aktyoru, Azərbaycanın xalq artisti Telman Adıgözəlov 57 yaşında vəfat edib. Görkəmli aktyor aprelin 15-də saat 4.00 radələrində dünyasını dəyişib.

T. Adıgözəlovun infarktdan dünyasını dəyişdiyi bildirilir. ANSPRESS