AFFA tərəfindən ölkəmizdə qadın futbolunun inkişafı, kütləviliyinin təmin olunması, təbliğatının genişləndirilməsi və qızların bu idman növünə olan marağının artırılması məqsədilə müxtəlif layihələr həyata keçirilir. Belə layihələrdən biri də “Sən də bacararsan” çoxseriyalı filmdir. “Sən də bacararsan” filminin 2-ci hissəsi dekabrın 5-də, saat 15:15-də ANS kanalında efirə gedəcək. Qeyd edək ki, 17 yaşadək qızlardan ibarət yığma komandalar arasında 2012-ci ildə keçiriləcək dünya çempionatının final mərhələsi Azərbaycanda təşkil ediləcək.

Xatırladaq ki, filmin 1-ci hissəsi noyabrın 14-də ANS kanalında yayımlanmışdı.