Şekide Axşam sefası

Türkiyə səfirliyinin Mədəniyyət və Tanıtım Müşavirliyinin təşkilatı dəstəyi ilə Şəkidə keçirilən ənənəvi “İpək Yolu Beynəlxalq Musiqi Festivalı”na gələn “Axşam səfası”nın möhtəşəm konserti baş tutub. ANS PRESS-in məlumatına görə, TRT kanalının sevilən proqramlarından biri olan “Axşam Səfası” kollektivi Şəki tamaşaçıları üçün türk sənət musiqisi və Azərbaycan xalq mahnıları səsləndiriblər. Çox anşlaqla keçən konserti izləyənlər sırasında Türkiyə səfirliyinin mədəniyyət və tanıtım müşaviri Seyit Ahmet Arslan, Türkiyənin Konya vilayətinin bələdiyyə başçısı Sərdar Kabakçı, Şəki şəhər icra başçısı Elxan Usubov, TRT-nin Azərbaycan təmsilçisi Yüksəl Dəğərcan və digər tanınmış siyasət və sənət adamları iştirak ediblər.

Konsert zamanı “Axşam səfası” mədəniyyət və tanıtım müşaviri Seyid Ahmet Arslana xüsusi təşəkkürlərini bildiriblər. Daha sonra “Axşam səfası” kollektivi Şəki şəhər icra başçısı ilə birlikdə müşavir Seyid Ahmet Arslanı çıxış etmək üçün səhnəyə dəvət ediblər. S. Ahmet Arslan çıxışı zamanı Şəki festivalı haqqında fikirlərini belə şərh edib: “Mən bu festivalı təşkil edən bütün qurumlara, xüsusi ilə Şəki şəhər icra başçısına öz minnətdarlığımı bildirirəm. “Azərbaycan candır, Şəki isə bizim canımızdır”-deyə qeyd edib.

Onu da deyək ki, “Axşam Səfası” kollektivinin konerti çərçivəsində Azərbaycanın xalq artisti Məleykə Əyyubova və müğənnilər Lalə və Nurkan cütlüyü də öz ifalarını nümayiş etdiriblər.