Azərbaycan Dövlət Gənc Tamaşaçılar Teatrında şəhidlərin xatirəsi anılacaq. Teatrın mətbuat xidmətindən ANS PRESS-ə verilən məlumata görə, yanvarın 18-i saat 14:00-da teatrın kiçik zalında "Şəhidlər ölməz! Vətən bölünməz!" adlı tədbir gerçəkləşdiriləcək.

Teatrın, Dünya Azərbaycanlıları Konqresinin və "Bura Vətəndir" məclisinin birgə layihəsi əsasında keçirəcəyi tədbir Azərbaycanın azadlığı, müstəqilliyi və ərazi bütövlüyü uğrunda döyüşlərdə şəhid olan Vətən övladlarının əziz xatirəsinə həsr olunacaq. Tədbir rəsmi və bədii hissədən ibarət olacaq.

Rəsmi hissədən sonra yazıçı-dramaturq Tamara Vəliyevanın "Mənim ağ göyərçinim" tamaşası göstəriləcək. ANSPRESS