Sergey Belovun "Mamulya" pyesi əsasında qoyulmuş "Salam, mən Sizin.....qayınananızam!" tamaşası yeni mövsümdə Rus Dram Teatrının səhnəsində nümayiş olunacaq. ANS PRESS-in Mədəniyyət və Turizm İdarəsinin rəsmi internet saytına istinadən verdiyi məlumata görə, tamaşanın nümayişi 1-2 oktyabra nəzərdə tutulub.

Pyesin qəhrəmanı Nina artıq çoxdandır ki, hörmətli biznesmen Jenya ilə yaşayır və onun qanuni arvadı olmağı arzulayır. Nəhayət Jenya razılaşır, amma bir şərtlə: o gələcək qayınanası ilə tanış olmaq istəyir, necə deyərlər alma alma bağından... Nina təşvişə düşür: onun sevimli anası artıq bir ildir ki, sürgündədir...Nə isə etmək lazımdır, bəlkə bu qəhrəmanımızın son şansıdır? Nina çıxış yolu tapır: o, bir təsadüfü tanışı - aktyordan (Vladimir Dolinskiy) gələcək qayınana rolunu oynamağı xahiş edir. Kimin ağlına gələrdi ki, Ninanın əsl anası (Natalya Xoroxorina) vaxtından qabaq azadlığa çıxacaq və aydın səmada ildırım kimi qızının qarşısına çıxacaq, hətta özüylə birlikdə ata - Vadim Andreevi də gətirəcək. Komediyada hadisələrin orijinal inkişafı, zarafatlar, musiqi nömrələrinə yer verilib.

Tamaşanın rejissoru Pyotr Balışkovdur. Rolları Vladimir Dolinskiy (Rusiyanın əməkdar artisti), Anna Terexova (Rusiyanın əməkdar artisti), Natalya Xoroxorina (Rusiyanın əməkdar artisti), Vadim Andreyev ("Kadetlər" serialı), Yuliya Zaxarova ( "Birlikdə xoşbəxtik" serialının ulduzu - qonşu Lena), Pyotr Belışkov ifa edirlər. ANSPRESS