Azərbaycanın Beynəlxalq Peşəkar Mükafatı "Qızıl disk"in sahiblərinin adları açıqlanıb. Mədəniyyət və Turizm İdarəsinin məlumatına görə, 2008-2009-cu illərdə geniş tamaşaçı kütləsinə təqdim olunan albom və disklər üzrə ABPM "Qızıl Disk"in lider nominantlarının siyahısı hazırlanıb. Belə ki, Təşkilat Komitəsinin monitorinq işləri əsasında qurulan və 37 nominasiyadan 16 nominasiya üzrə hazırlanan siyahıda ölkənin ən tanınmış mədəniyyət və incəsənət nümayəndələrinin adları yer alıb.

Bundan əlavə, Təşkilat Komitəsi 10 fəxri "Platin" disklər təsis edib. Bu fəxri disklər Təşkilat Komitəsinin monitorinq işləri əsasında Azərbaycanın ən fəxri tituluna layiq görülən mədəniyyət və incəsənət xadimlərinə təqdim olunacaq.

Nominantllar arasında Arif Babayev, Alim Qasımov, Ağaxan Abdullayev, Nəzakət Teymurova, Könül Xasıyeva, Mələkxanım Əyyubova və başqalarının adı yer alıb. ANSPRESS