Qəbələ rayonunda müasir üslubda yeni mədəniyyət mərkəzinin inşasına başlanılıb. Heydər Əliyev parkındakı köhnə mədəniyyət evinin yerində inşa edilən və memarlıq üslubuna, daxili tərtibatına, texniki imkanlarına görə bölgədə bənzəri olmayacaq yeni mədəniyyət mərkəzi yerli əhaliyə və turistlərə xidmət göstərəcək.

Mərkəzdə yerli və beynəlxalq tədbirlərin keçirilməsi üçün 900 nəfərlik böyük, 150 nəfərlik kiçik zal, mədəniyyət və turizm şöbəsinin xidməti otaqları olacaq, burada xalq teatrı və çalğı alətləri ansamblının, uşaq rəqs kollektivinin, kukla teatrının fəaliyyəti üçün şərait yaradılacaq. Mərkəzdə kompüter və xarici dil dərnəkləri, elektron idarəetmə və multimedia otaqları, kitabxana fəaliyyət göstərəcək.

İnşaat işlərinin sentyabrda başa çatdırılması nəzərdə tutulur.