Qax Dövlət Kukla Teatrında Mədəniyyət və Turizm Nazirliyinin və Qax Rayon İcra Hakimiyyətinin birgə təşkilatçılığı ilə respublika kukla teatrları festivalı keçiriləcək. Festival 17 apreldə açılacaq.

Bir həftə davam edəcək festivalda Abdulla Şaiq adına Bakı Dövlət Kukla Teatrı, habelə Qax, Naxçıvan, Gəncə və Salyan dövlət kukla teatrları iştirak edəcəklər. Festival çərçivəsində hər teatr 2 tamaşa göstərəcək.

Bundan əlavə, sənət bayramı çərçivəsində festival iştirakçıları üçün yaradıcılıq görüşlərinin, müxtəlif əyləncəli proqramların, intellektual yarışların, ədəbi-bədii axşamların, kütləvi gəzintilərin təşkili də nəzərdə tutulub.

Festivalın təntənəli bağlanış günü qaliblərin adları açıqlanacaq, həvəsləndirici mükafatlar təqdim ediləcək. ANSPRESS