Dünyanın ən məşhur rəssamlarından olan ispan rəssam Pablo Pikassonun 1991-ci ildə Küveyt muzeyindən oğurlanan əsəri tapılıb. ANS PRESS-in "CNN Türk"ə istinadən verdiyi məlumata görə, rəsm əsəri Türkiyənin Balıkəsir bölgəsində aşkar edilib.

Məlumata görə, polisə oğurlanan rəsm əsərinin satılacağı barədə məlumat daxil olub. Əməliyyat keçirən hüqu mühafizə orqanları tablonu İstanbulda satmağa çalışan 41 yaşlı kişidən tapıblar.

Ələ keçirilən tablo ceyran dərisi üzərində yağlı boya ilə işlənib. Oturan vəziyyətdə çılpaq qadının təsvir edildiyi əsərin ön tərəfində "Pikasso 1924", arxa tərəfində isə Küveyt muzeyinə aid möhür və yazı olub. İlkin dəyərləndirmələrə görə, əsərin qiyməti 10 milyon dollardır.