Dahi Azərbaycan şairi Nizami Gəncəvi haqqında ensiklopediya hazırlanır. Ensiklopediyanın hazırlanması AMEA-nın Gəncə Elmi Mərkəzinin əməkdaşlarına həvalə edilib. Artıq xeyli vaxtdır ki, ensiklopediya üzərində hazırlıq işləri aparılır.

Mərkəzin nizamişünaslıq şöbəsinin müdiri Samir Pişnamazzadənin dediyinə görə, indiyədək heç bir yerdə Nizami Gəncəvinin ensiklopediyası hazırlanmayıb. Ensiklopediyanın hazırlanmasında əsas məqsəd dahi Azərbaycan şairi Nizami Gəncəvinin həyatı və bədii yaradıcılığı ilə bərabər onun astronomiya, fizika, məntiq, fəlsəfə, din və sair dünyəvi elmlərlə bağlılığını üzə çıxarmaqdır. Hələlik ensiklopediyanın layihəsi üzərində iş aparılır. Təxminən 700 səhifə həcmində nəzərdə tutulmuş yeni nəşrlə bağlı lazımi materiallar tam toplandıqdan sonra ensiklopediya üzərində işə başlanacaq. ANSPRESS