Muzey Mərkəzində “Teatrda muzey” layihəsi çərçivəsində böyüklər üçün teatr tamaşası hazırlanır. Muzey Mərkəzindən bildiriblər ki, cari ildə Azərbaycan Dövlət Musiqili Komediya Teatrının yaradıcılıq studiyasının “Günay” uşaq teatrının iştirakı ilə uşaqlar üçün tamaşalar nümayiş etdirilib. Artıq böyüklər üçün də tamaşaların hazırlanmasının vaxtı gəlib çatıb. Bu tamaşa bir və ya iki aktyorun ifasından ibarət olacaq. Hazırda tamaşa üçün pyesin və rejissorun seçilməsi prosesi gedir.

“Muzeydə teatr” layihəsi Azərbaycanın mədəni həyatında baş verən yeniliklərdən biridir. İndi muzeylərdə tamaşaçıları cəlb etmək üçün yeni formalar tapmaq istiqamətində ciddi işlər aparılır. Hazırda Muzey Mərkəzində “Muzeydə teatr”, “Muzeydə klassik musiqi axşamları”, “Muzeydə caz axşamı” kimi layihələr həyata keçirilir. ANSPRESS