Milli Qəhrəman Mübariz İbrahimova həsr olunmuş “Turan mübarizi” adlı kitabın bu gün təqdimat mərasimi olub. Kitabin müəllifi Yəhya Yusif Canıyar deyib ki, Mübarizin şücaəti onu bu kitabi nəşr etməyə vadar edib. Mübarizi yaxından tanımaq, onun doğulduğu, yaşadığı yer haqqında məlumat almaq, yazdığı şerləri oxumaq və müxtəlif şəkillərini görmək istəyənlər bu kitaba müraciət edə bilər.

Qeyd edək ki, tədbirdə ölkə ictimaiyyəti və ziyalılarla yanaşı, Milli Qəhrəmanın hərbçi yoldaşları da iştirak edib. Müəllif isə bu kitabın 2-ci cildinin üzərində işlərə başladığını bildirib: “Əgər birinci cilddə Mübarizin qəhrəmanlığı, onun ailədə tərbiyəsi, cəbhədə göstərilən şücaətdən söhbət gedirdisə, ikinci cild sözsüz ki, Fərid Əhmədova həsr olunacaq”.