Muzey Mərkəzində müasir rəssamların rəsm əsərlərindən ibarət yay sərgisi açılıb. Muzey Mərkəzindən AzərTAc-a bildirilib ki, sərgidə Niyazi Nəcəfov, Eldar Qurbanov, Vüqar Muradov, Anar Nuriyev, Mirnadir Zeynalov kimi tanınmış rəssamların yay mövsümü ilə bağlı rəngkarlıq işləri sərgilənir.
Sərgidə, həmçinin “Caz üslubunda oyuncaqlar” layihəsindən tanıdığımız oyuncaqlar da nümayiş olunur. Maraqlı eksponatlardan biri də Albina Əbubəkirovanın əl işləridir.
Sərgi yay mövsümünün sonunadək davam edəcək. ANSPRESS