Dünən axşam saatlarında məşhur Hollivud aktyoru və kinorejissor Dennis Hopper vəfat edib. O, ABŞ-ın Kaliforniya ştatının Los-Anceles şəhərində ömrünün 74-cü baharında dünyasını dəyişib. Amerikalı aktyor ömrünün son illərini xərçəng xəstəliyindən əziyyət çəkib.

Xatırladaq ki, Dennis Li Hopper 1936-cı il 17 may tarixində ABŞ-ın Kanzas ştatının Corc Siti şəhərində dünyaya göz açıb. O aktyor və kinorejissor kimi fəaliyyət göstərib. 1954-cü ildə debüt etməsinə baxmayaraq o, “İdealsız üsyançı” (1955) və “Nəhəng” (1956) filmlərindən sonra şöhrət qazanıb. Bundan əlavə Hopper “Amerikalı dost” və Frensis Ford Koppolanın “Apokalipsis bu gün”, “Göy məxmər”, “Sürət” və s. kimi filmlərdə çəkilib. ANSPRESS