Heydər Əliyev Fondu, Mstislav Rostropoviç Fondu və Mədəniyyət və Turizm Nazirliyinin təşkilatçılığı ilə Bakıda IV Beynəlxalq Rostropoviç Festivalı keçiriləcək. Mədəniyyət və Turizm Nazirliyinin mətbuat xidmətindən ANS PRESS-ə verilən məlumata görə, festivalda Rusiya, İsrail, Böyük Britaniya, Almaniyadan dünya şöhrətli musiqiçilər və kollektivlər - Yuri Başmet və “Moskva solistləri” kamera ansamblı, Zubin Meta və İsrail Filarmonik Orkestri, Qalina Vişnevskayanın Opera Mərkəzi, Maksim Vengerov, Eliso Virsaladze, Natalya Qutman, Pinkas Sukerman, Rudolf Buxbinder və başqaları iştirak edəcəklər. Tədbirin yüksək səviyyədə hazırlanması və keçirilməsi məqsədilə Azərbaycan Dövlət Filarmoniası, Azərbaycan Dövlət Opera və Balet Teatrı, Heydər Əliyev Sarayı L.və M.Rostropoviçlər ev muzeyi festivalla əlaqədar Bakıya gələn qonaqları qarşılamağa hazır vəziyyətdədir. Konsertlərdə bir çox beynəlxalq kollektivlərlə yanaşı Azərbaycanın Ü.Hacıbəyli adına Azərbaycan Dövlət Simfonik Orkestrinin, Uşaq-Gənclər Simfonik Orkestrinin, Q.Qarayev adına Azərbaycan Dövlət Kamera Orkestrinin iştirakı gözlənilir.

12-19 dekabr tarixlərində keçiriləcək IV Beynəlxalq Mstislav Rostropoviç festivalının proqramı:
====================================
12 dekabr, saat 19:00-da
M.Maqomayev adına Azərbaycan Dövlət Filarmoniyasında festivalın təntənəli açılışı,
Azərbaycan Dövlət Uşaq-Gənclər Simfonik orkestrinin konserti;
Dirijor Teymur Göyçayev, solistlər Elvin Qəniyev, Toğrul Hüseynli, Ceyla Seyidova, Mustafa Aşurov
Proqramda Ü.Hacıbəyli, M.Maqomayev, Q.Qarayev, Niyazi, O.Zülfüqarov, M.Mirzəyev,
A.Vivaldi, F.List, J.Bize, A.Piazzolla, G.Diniku, N.Rimski-Korsakovun əsərləri səslənəcək.

13 dekabr, saat 15:00
Leopold və Mstislav Rostropoviçlər Ev-muzeyində,
L. və M.Rostropoviçlər adına 21 nömrəli Uşaq Musiqi Məktəbinin
prezident təqaüdçüləri Elgün Ağa-zadə, Kamran Ömərli, Şəms Ağa-zadə, İsrafil Rəsulov
Kənan Mayılov, Tural Quliyevin konserti.
Proqramda K.Sen-Sans, P.İ.Çaykovski, N.Venyavski, R.Şedrin, F.Əmirov, T.Quliyev,
J.Klarkın əsərləri səslənəcək.

13 dekabr, saat 19:00
Azərbaycan Dövlət Akademik Opera və Balet Teatrında Qalina Vişnevskayanın Opera
Mərkəzinin ifasında J.Bizenin “Karmen” operası.
Quruluşçu rejissor – İvan Popovski, dirijor – Yaroslav Tkalenko,
Rollarda Karmen – Alina Şakirova (mezzo-soprano)
Xoze – Oleq Dolqov (tenor)
Eskamilyo – Elçin Əzizov (bariton)
Mikaela – Anastasiya Privoznova (soprano)

14 dekabr, saat 19.00
M.Maqomayev adına Azərbaycan Dövlət Filarmoniyasında “Moskva solistləri” Kamera
Ansamblının konserti,
Bədii rəhbər və dirijor – Yuri Başmet, solistlər Alyona Bayeva (violin), Yuri Başmet (viola)
I
V.Mozart – Violin və viola ilə orkestr üçün konsert simfoniya Es-dur, КV 364 (1779)
F.Şubert – “Arpecione” sonatası a-moll, D821 (1824),(viola və simli orkestr üçün işlənməsi R.Balaşovun)
F.Şubert – G.Maler – “Ölüm və Qız” d-moll, D 810 (1824-26,işlənmə 1894), (simli orkestr üçün işlənmə)

15 dekabr, saat 19.00
M.Maqomayev adına Azərbaycan Dövlət Filarmoniyasında Q.Qarayev adına Azərbaycan Dövlət Kamera Orkestrinin solistləri Murad Adıgözəlzadə (fortepiano), Yuri Reviçin (violin) konserti.
İ.S.Bax – Fortepiano ilə orkestr üçün Konsert N3 D-dur, BWV 1054
İ.S.Bax – Fortepiano ilə orkestr üçün Konsert N5 f-moll, BWV 1056
İ.S.Bax – Fortepiano ilə orkestr üçün Konsert N1 d-moll, BWV 1052
İ.S.Bax – Violin ilə orkestr üçün Konsert N1 a-moll BWV 1041

16 dekabr, saat 15.00
Leopold və Mstislav Rostropoviçlər Ev-muzeyində Kamera musiqi konserti
Mustafa Mehmandarov, Rüstəm Zeynalov, Anar Seyidov, Nərmin Nəcəflinin ifasında
F.List, H.venyavski, E.Çosson, F.Şopenin əsərləri

16 dekabr, saat 19.00
M.Maqomayev adına Azərbaycan Dövlət Filarmoniyasında
Ü.Hacıbəyli adına Azərbaycan Dövlət Simfonik orkestri,
Dirijor Rauf Abdullayev, solist Natalya Qutman (violonçel)
IV.A.Mozart – “Don Juan” operasına uvertüra (1787)
A.Dvorjak – Violonçel ilə orkestr üçün konsert h-moll, op.104 (1895)
D.Şostakoviç – Simfoniya N15, op. 141 (1971)

17 dekabr, saat 19.00
M.Maqomayev adına Azərbaycan Dövlət Filarmoniyası
Ü.Hacıbəyli adına Azərbaycan Dövlət Simfonik Orkestri
Dirijor Maksim Vengerov, solist Eliso Virsaladze (fortepiano)
T.Quliyev - Vals
R.Şuman - Fortepiano ilə orkestr üçün Konsert a-moll, op.54 (1845)
E.Lalo – İspan simfoniyası op.21 (1875)

18 dekabr, saat 19.00
Heydər Əliyev Sarayında İsrail Filarmonik Orkestrinin konserti,
Bədii rəhbər və dirijor Zubin Meta,
Solist Pinchas Zukerman (violin)
IAvner Dorman – Orkestr üçün Azərbaycan Rəqsi
Y.Brams – Violin ilə orkestr üçün Konset N1 D-dur, op.77 (1878)
3. Allegro giocoso ma non troppo vivace – Poco piu presto
Q.Maler – Simfoniya N1 “Titan” D-dur (1884)

19 dekabr, saat 19.00
Heydər Əliyev Sarayında Festivalın bağlanışı
İsrail Filarmonik Orkestri,
Bədii rəhbər və dirijor Zubin Meta
Solist Rudolf Buchbinder (fortepiano)
L.van Bethoven –“Eqmont” uvertürası f-moll, op.84 (1809)
L.van Bethoven - Fortepiano ilə orkestr üçün Konsert N5 Es-dur, op.73 (1809)
İ.Stravinski “Müqəddəs bahar”. Balet musiqisi (1913)
Bütpərəst Rusiya lövhələri