Paytaxt teatrlarının istirahət günlərinə olan afişasını təqdim edirik:

Akademik Opera və Balet Teatrında sabah axşam saat 19:00-da "Yeddi gözəl" baleti nümayiş olunacaq.

Musiqili Komediya Teatrı sabah axşam saat 19:00-da "Ər və arvad" tamaşası, bazar günü saat 12:00-da "Qırmızı papaq", axşam saat 19:00-da isə "Talelər qovuşanda" səhnə əsərini nümayiş etdirəcək. Tamaşalar Dənizçilərin Mədəniyyət Evində göstəriləcək.

Gənc Tamaşaçılar Teatrı sabah tamaşaçılarını saat 12:00-da "Tıq-tıq xanım", axşam saat 19:00-da "Sərgüzəşti Vəziri Xani Lənkəran" tamaşası ilə qarşılayacaq. Bazar günü isə sənət ocağında saat 12:00-da "Qaraca qız", axşam saat 19:00-da "Hekayəti Xırs Quldurbasan" tamaşası göstəriləcək.

Səməd Vurğun adına Rus Dram Teatrında sabah balacalara saat 12:00-da "Zoluşka üçün ayaqqabı", böyüklər üçün isə axşam saat 19:00-da Bakıda qastrolda olan Moskva Teatrının "Böyük Zebra" tamaşası nümayiş etdiriləcək. Bazar günü isə saat 12:00-da "Gözəl Vasilisa", axşam saat 19:00-da isə "Böyük Zebra" səhnə əsərləri nümayiş etdiriləcək.

Abdulla Şaiq adına Kukla Teatrında balacalar üçün bu gün saat 12, 14,16-da "Sehrli mücrü", sabah isə saat 12-də, 14-də "Ələddin" tamaşası təqdim olunacaq.

Yuğ Teatrı isə sabah axşam saat 19:00-da "Psix" tamaşasını nümayiş etdirəcək.