Gənc Tamaşaçılar Teatrında “Oliver Tvistin macəraları” tamaşasının premyerası olacaq. Teatrın mətbuat xidməti məşhur ingilis yazıçısı Çarlz Dikkensin (1812-1870) eyniadlı əsəri əsasında səhnələşdirilən tamaşanın hazırlıq işlərinə hələ ötən teatr mövsümündən başlanıldığını bildirib.

Səhnə əsərinin quruluşçu rejissoru xalq artisti Vaqif Əsədov, quruluşçu rəssamları Fuad Qafarov, Elnur Babayev, bəstəkarı Aydın Əzimovdur. Tamaşada xalq artistləri Yasin Qarayev, Ağaxan Salmanlı, Əməkdar artistlər Nofəl Vəliyev, Leyli Vəliyeva, İlqar Cahangirov, Nübar Novruzova, Rafiq Hüseynov, Rahib Əliyev, Lətifə Əliyeva, Ayşad Məmmədov, Seyidşah Məmmədov, Qəmər Məmmədova, aktyorlar Roza İbadova, Nicat Kazımov, Atabala Səfərov, Məhərrəm Musayev, Asya Atakişiyeva, Nigar Məmmədova, Elnur Hüseynov və başqaları çıxış edəcəklər.

Tamaşanın premyerası noyabrın 10-da nəzərdə tutulub. ANSPRESS