Ucar. Zahid Abışov - APA. Azərbaycanın ən uzunömürlü vətəndaşlarından biri Ucar rayonunun Lək kəndində yaşayır. APA-nın Aran bürosunun xəbərinə görə, Hacıyeva Mülayim Allahverən qızı 1898-ci ildə anadan olub. 111 yaşlı kənd sakini APA-nın əməkdaşı ilə söhbətində 111 övlad, nəvə, nəticə və kötükcəsinin (8 övladı, 39 nəvə, 62 nəticə, 2 kötücə) olduğunu deyib.

M. Hacıyeva hazırda 67 yaşlı kiçik qızı Şövkət Quliyeva ilə birgə yaşayır. Eşitmə, görmə qabiliyyətində, yaddaşında heç bir problem olmayan M. Hacıyeva uzunömürlülüyünü Allah vergisi sayır.