Bakı Bələdiyyə Teatrı Qurban Səidin eyniadlı əsəri əsasında "Əli və Nino" tamaşasını səhnələşdirir. Teatrdan ANS PRESS-ə verilən məlumata görə, tamaşanın premyerası 16 mayda, Akademik Milli Dram teatrının səhnəsində olacaq. Elvin Mirzəyevin quruluş verdiyi tamaşanın məşqləri artıq başa çatmaq üzrədir.

Rolları Elvin Mirzəyev (Əlixan Şirvanşir), Nigar Həsənzadə (Nino Kipiani), Tural Baxış (İlyas bəy Tağıyev), İlqar Musayev (Naxararyan), Namiq Cavadov (Məhəmməd Heydər), Ramin Şıxəliyev (Arslan ağa), İsmayıl Atakişiyev (Hacı Yəyyaqulu) və başqaları ifa edir. ANSPRESS