Dubay hökumətinə məxsus “The One " TV kanalında 13 aprel tarixində Azərbaycan haqqında veriliş təqdim ounub. Bu ölkədəki "Azərbaycan" cəmiyyətinin mətbuat xidmətindən ANS PRESS-ə verilən məlumata görə, veriliş Dubay hökumətinin Media Qrupuna daxil olan “The one“ kanalının ingilis dilində yayımlanan "Emirates News" xəbərlər proqramında Azərbaycanda gedən tərəqqi və yüksək həyat səviyyəsinin mövcudluğu haqqında olub.

Verilişdə Bakının görüntüləri, müxtəlif tarixi abidələr təqdim edilib. Bakı qərblə şərqin kəsişdiyi məkan adlandıraraq qeyd edilib ki, ölkədə yerli milli mədəniyyətlə eyni səviyyədə bir necə digər xalqların da - əsasən türk, rus və İran mədəniyyətləri hiss edilir. Bakıdakı yeni tikililərin kadrları təqdim edilərək, bu inkişaf ölkədəki iqtisadi və siyasi stabilliyin mövcudluğu ilə əsaslandırılıb.