Almaniyanın paytaxtı Berlində Azərbaycan rəssamlarının sərgisi təşkil olunacaq. Mədəniyyət və Turizm İdarəsinin məlumatına görə, Rəssamlar İttifaqının katibi Ənvər Qarayev bildirib ki, sərginin oktyabrın sonlarında keçirilməsi planlaşdırılıb. Sərgidə rəssamların dekorativ-təsviri sənət janrında olan əl işləri almaniyalı sənətsevərlərin ixtiyarına veriləcək. Ə.Qarayev deyib ki, sərgidə 15 rəssamın 40-a yaxın işinin nümayişi nəzərdə tutulur.

İttifaq katibi sentyabrın 2-dən 7-dək Şimali Kipr Türk Cümhuriyyətində Azərbaycanın gənc rəssamlarının sərgisinin təşkil olunacağını da açıqlayıb. Sərgidə Azərbaycanın 20 gənc rəssamının müxtəlif janrda 60-a yaxın əsərinin nümayişi nəzərdə tutulur. ANSPRESS