APA-nın məlumatına görə, səfər çərçivəsində təmsilçi Rumıniyanın məşhur televiziya verilişlərində çıxış edib, eləcə də rumın mətbuatına müsahibələr verib. Televiziya proqramlarında çıxışı zamanı Azərbaycan təmsilçisi müsabiqədə ifa edəcəyi “Drip Drop” mahnısını da təqdim edib. Səfərdən çox razı qalan Səfurə Əlizadə Rumıniyanı çox sevdiyini də bəyan edib: “Bu ölkəni çox sevirəm. Rumıniyaya yenidən gəlməyi çox arzu edirəm. Ölkə olduqca gözəldir, gəzməli və görməli yerləri həddindən artıq çoxdur. “Eurovision-2010” müsabiqəsindən sonra bu ölkəyə yenidən gəlməyi çox istəyirəm. Çox güman ki, gələcəyəm”. ANSPRESS