“Biz yeni mədəniyyət kanalını açmağı düşünürük. Mədəniyyət kanalın açılışı yeni televiziyanın açılışı deməkdir və bununla da reklam bazarında yeni problemlər yaranacaq”. Bu barədə Milli Televiziya və Radio Şurasının (MTRŞ) sədri Nuşirəvan Məhərrəmli məlumat verib. Onun sözlərinə görə, özəl telekanallar mədəniyyət sahəsində öz üzərlərinə düşən işi görsəydi, ayrıca mədəniyyət kanalının açılması barədə düşünməyə ehtiyac olmazdı. MTRŞ sədrinin sözlərinə görə, elə bir vəziyyət yaranıb ki, ictimaiyyət haqlı olaraq bu sahədə yaranmış vəziyyətlə bağlı narazılığı ortaya qoyur.

“Biz də bununla bağlı MTRŞ-ya verilən səlahiyyətlər çərçivəsində çıxış yolunu mədəniyyət kanalının yaranmasında görürük. Əgər biz yaradıcılıq işlərinə qarışa bilmiriksə, televiziya kanallarına hansı işlər görmələrini deyə bilmiriksə, onda onlara qarşı daha böyük tədbirlər görmək imkanımız var. Yəni yeni mədəniyyət kanalı yaradaq və yeni kanal bizim dediyimiz çərçivədə fəaliyyət göstərsin”, - deyə bildirib. ANSPRESS