Azərbaycan Kitab Cəmiyyətinin xətti ilə növbəti miniatür kitab nəşr edilib. Kitabda dahi Azərbaycan şairi və dramaturqu Hüseyn Cavidin seçmə aforizmləri yer alıb. Azərbaycan Milli Elmlər Akademiyası və Hüseyn Cavidin ev-muzeyi tərəfindən birgə hazırlanmış bu miniatür kitab nəfis tərtibatda nəşr edilib.

Kitab Cəmiyyətinin sədri, Miniatür Kitab Muzeyinin təsisçisi və yaradıcısı, əməkdar mədəniyyət İşçisi Zərifə Salahova 55-38 millimetr ölçüdə olan, 248 səhifədən ibarət, 200 nüsxə tirajla çap edilmiş miniatür kitabda böyük mütəfəkkirin əsərlərindən 16 kompozisiya yerləşdirib. Hüseyn Cavid aforizmləri Azərbaycan xalq müdrikliyinin ayrılmaz əlaməti olan dərin humanizmi, ümumbəşəri xarakter və məna yükü daşıması ilə seçilir.

Miniatür kitabın təqdimatı bu ilin sentyabrında Bakıda və mütəfəkkirin doğma yurdu Naxçıvanda keçiriləcək. anspress