Bu gün Muzey Mərkəzində Mədəniyyət və Turizm Nazirliyinin təşkilatçılığı ilə Azərbaycan kinosunun yaranmasının 112-ci ildönümü geniş qeyd edilib. ANS PRESS-in məlumatına görə, tədbirdə çıxış edən Dövlət Film Fondunun direktoru, əməkdar mədəniyyət işçisi Cəmil Quliyev bütün kino işçilərini peşə bayramları münasibətilə təbrik edib, son illər Azərbaycanda mədəniyyətin inkişafı istiqamətində atılmış addımlardan söhbət açıb.

Cəmil Quliyev prezident İlham Əliyevin “Azərbaycanda kino sənətinin inkişaf etdirilməsi haqqında” 2007-ci il 23 fevral tarixli sərəncamının milli kinomuzun maddi-texniki bazasının möhkəmləndirilməsinə yeni təkan verdiyini xüsusilə vurğulayıb.

Tədbir çərçivəsində “Bayramdan bayrama” videofilmi nümayiş etdirilib və “Azərbaycan kino plakatı. 1930-1980” sərgisinin açılışı olub. ANSPRESS