APA-nın Moskva müxbirinin verdiyi məlumata görə, Çaykovski adına sarayda keçirilən konsert Azərbaycan Mədəniyyət və Turizm Nazirliyi və Rusiya Federasiyası Mədəniyyət Nazirliyi tərəfindən “2011-ci il Rusiyada Müasir Azərbaycan Mədəniyyəti Mövsümü” çərçivəsində təşkil olunub.

İki böyük hissədən ibarət olan konsert proqramında İ. Stravinskinin “Müqəddəs Bahar”, bəstəkar Eldar Mansurovun “Azərbaycan”, “Qılıncla rəqs”, “Odlar Yurdu”, Aygün Səmədzadənin “Lirik rəqs”, milli rəqslər - “Uzundərə”, “Nəlbəki”, “Vağzalı” və digər rəqslər ifa olunub.

Qeyd edək ki, Azərbaycan Dövlət Rəqs Ansamblı 1970-ci ildə yaradılıb. Hazırda ansamblının bədii rəhbəri xalq artisti, “Şöhrət” ordenli Afaq Məlikovadır. APA