Dünyadan vaxtsız köçməsi ilə bütün Azərbaycanı təəssüfləndirən sabiq millət vəkili, "Bakılı oğlanlar" Şən və Hazırcavablar Klubunun keçmiş kapitanı Anar Məmmədxanovun məqalələrindən ibarət kitab çap olunacaq. Bu barədə ANS-ə açıqlamasında mərhumuun bacısı Naidə Məməmdaxanova məlumat verib.

"Anarın çox gözəl yazı qabiliyyəti var idi. O, erməniləri ələ salan satirik məqalələr yazmışdı. Bu məqalələri kitab şəklində çap etdirmək fikrindəyəm", deyə N. Məmmədxanova vurğulayıb.

Qeyd edək ki, bu gün Təzə Pir məscidində Anar Məmmədxanovun 3 mərasimi keçirilir. Dünən onun hüzn mərasimində prezident İlham Əliyev də iştirak edib. Bu gün isə Anar Məmmədxanovun xatirəsini yad etmək üçün dünyanın müxtəlif yerlərindən insanlar gəlib.

A. Məmmədxanov dünən Bakıda Yasamal qəbiristanlığında dəfn olunub.