Mədəniyyət və Turizm Nazirliyinin sifarişi ilə “Pozitiv Mediya” prodüser mərkəzində istehsal olunan "Aktrisa" filminin təqdimat mərasimi yaxınlaşmaqdadır. “Pozitiv Mediya” prodüser mərkəzindən ANS PRESS-ə filmin eksklüziv kadrları və kadrarxası çəkilişlərdən olan fotosessiya göndərilib. Fotosessiyanı oxucularımıza təqdim edirik.

"Aktrisa" filminin premyerası əvvəlcədən məlumat verdiyimiz kimi martın 5-də, saat 18:00-da Teatr Xadimləri İttifaqının Tamaşa zalında keçiriləcək. Kriminal-dram janrında çəkilmiş filmdə bir-birinin ardınca törədilmiş 3 qətl hadisəsindən bəhs edilir. Peşəkar müstəntiq inanır ki, bu qətllərin üstünün açılması bir parolun tapılmasından asılıdır.

Filmin ssenari müəllifləri İlqar Fəhmi, Rövşən İsax, quruluşçu rejissoru Rövşən İsax, quruluşçu-operatoru Rövşən Quliyev, bəstəkarları Vasif Arifoğlu, Nazim Əhmədov, rejissorları Akif Rüstəmov, Mehman Məmmədov, geyim ustaları Gülnarə Xəlilova, səs rejissoru Orxan Ağalarov, montaj rejissoru Vüqar Əmirov, montajçı İlham Məhərrəmov, icraçı prodüserləri Abdulnəsir Kutiyev, Rizvan Məmmədovdur.

Filmin soundtrekini Röya Nəcəfova ifa edib. Rollarda isə xalq artisti Fuad Poladov, Alesa Kaçer, İlham Hüseynov, Rövşən İsax, Şövqi Hüseynov, Məlahət Əhməd, Rəşad Səfərov, Salam İsmayılov və başqaları çəkilib. ANSPRESS