Sumqayıt şəhəri Yaşma bağları massivində sel suları səbəbdən bir neçə fərdi yaşayış evləri və onların həyətyanı sahələri su ilə dolub, insanlar həmin evlərdə köməksiz vəziyyətdə qalıblar. ANS PRESS-in Fövqəladə Hallar Nazirliyinin internet saytına istinadən verdiyi məlumata görə, FHN-in Sumqayıt Regionlal Mərkəzinin və Dövlət Sularda Xilasetmə Xidmətinin xilasediciləri hadisə yerinə cəlb olunublar. Keçirilmiş xilasetmə əməliyyatları nəticəsində köməksiz qalan 3 sakin xilas edilib.