Ötən gün respublikanın bəzi şəhər və rayonlarında intensiv yağan yağışların nəticələrinin aradan qaldırılması istiqamətində görülən işlər yekunlaşıb. Fövqəladə Hallar Nazirliyinin Böhran Vəziyyətlərində İdarəetmə Mərkəzinin məlumatına görə, FHN-nin müvafiq qüvvə və texnikası Şirvan şəhəri, Hacıqabul, Kürdəmir və Zərdab rayonlarında bəzi ərazilərin, o cümlədən, Hacıqabul rayonunun Muğanlı qəsəbəsində 40 fərdi evin zirzəmisini və həyətyanı sahəsini yağış sularından təmizlənməsini təmin edib.