Bu saatlarda Müsavat başqanı İsa Qəmbərlə Ziyalılar Forumunun təmsilçisi Eldar Namazov bir araya gəlib. Bu barədə “Qafqazinfo”ya məlumat Müsavat Partiyasından daxil olub.

Məlumata görə, İsa Qəmbərlə Eldar Namazov görüşərək prezident seçkilərinə hazırlıqla bağlı məsələləri, Ziyalılar Forumu ilə Müsavat Partiyasının habelə İctimai Palatayla əməkdaşlığı müzakirə edirlər. Görüş mətbuat üçün qapalı keçirilir.

Qeyd edək ki, bu gün həmçinin Müsavat başqanı İsa Qəmbər partiyanın qərargahında bir qrup partiya sədri ilə görüşüb.