Səhhətində problemler olan Nicat Dağlar Gürcüstandan Azərbaycana qayıdıb. Bu barədə “Qafqazinfo”ya jurnalistin özü məlumat verib: "Sabah Mərkəzi Klinik Xəstəxanaya yerləşdiriləcəyəm. Burada analizlərim təhlil edildikdən sonra hansı xarici ölkəyə və nə vaxt göndəriləcəymi müəyyən ediləcək".

Jurnalistin sözlərinə görə, səhər saatlarında burnundan qan açılsa da hazırda özünü normal hiss edir. Jurnalist qeyd edib ki, hər saatdan bir aidiyiyyətli şəxslər onunla maraqlanırlar, sabah isə Bakıya ölkənin xüsusu həkimlərin müşayiəti ilə gətiriləcək. Hazırda Gəncədə İcra Hakimiyyətinin məsul şəxsləri onun vəziyyəti ilə maraqlanırlar.

Qeyd edək ki, leykoz xəstəliyinnən əziyyət çəkən jurnalistin bütün müalicə xərclərini prezident İlham Əliyev öz üzərinə götürüb.