Bakıda möhtəşəm Novruz bayramı şənliyi

“İçərişəhər” Dövlət Tarix-Memarlıq Qoruğu İdarəsinin Novruz bayramı ilə bağlı martın 20-dən “Novruz-Bahar Festivalı” davam edir. İçəri şəhərdə möhtəşəm bayram şənliyi bu gün də keçirilir. Meydan bazarında müxtəlif rayonlardan gələn sənətkarlar öz əl işlərini nümayiş etdirir, Azərbaycan milli mətbəxinin yeməkləri, şirniyyatlar sərgilənir, milli musiqi səsləndirilir.

Burada həmçinin böyük bayram konserti də qurulub. “Novruz-Bahar Festivalı” el şənliyi Qoşa Qala qapısından Qız qalasının qarşısına qədər olan ərazini əhatə edir və 4 gün davam edəcək. Bu gözəl şənliyə şəhərimizin sakinlərilə yanaşı, xarici qonaqlar da qatılıb. “Novruz-Bahar Festivalı” lap əcnəbi müsafilərin ürəyincə olub. Onlar bahar bayramı münasibətilə təşkil edilən şənliyi böyük maraqla izləyiblər.

Daha bir bayram tədbiri isə Qala Dövlət Tarix Memarlıq qoruğunda baş tutacaq. Buradakı bayram şənliyi bu gün də davam edəcək.