Bakı-Quba yolunda yeni körpü istismara verildi

Bakı-Quba yolunda, Rusiya ilə sərhəd avtomobil yolunda yeni körpü istifadəyə verilib. "Azəryolservis" ASC-nin mətbuat xidmətindən ANS PRESS-ə bildirilib ki, bu gün Qaraçay üzərində inşa olunan, uzunluğu 115 metr, hərəkət hissəsinin eni 18 metr, səkiləri 1,5 metr olan yeni körpü istismara verilib.

Bu il aprelin 18-də sel daşqınları nəticəsində həmin körpü qəzalı vəziyyətə düşdüyündən Nəqliyyat Nazirliyinin tapşırığı ilə yeni müasir tələblərə cavab verən körpünün tikintisi qərara alınıb. Həmin vaxtdan da körpünün tikintisinə başlanılılıb.

Qeyd edək ki, Qaraçay üzərindəki eni 90,36 metr, qabariti 8 metr olan əvvəlki körpü 1972-ci ildə inşa olunub.