Azərbaycan Dövlət Neft Şirkətinin “Azəriqaz” İstehsalat Birliyi dövlət qəbul komissiyasından keçərək istismara qəbul aktı almış çoxmərtəbəli yaşayış binalarına təbii qazın verilişinin təmin olunması istiqamətində fəaliyyətini davam etdirir.

ARDNŞ-in mətbuat xidmətindən ANS PRESS-ə verilən məlumata görə, bu ilin birinci yarısında Birlik hüquqi və fiziki şəxslərin müraciətlərini nəzərə alaraq, 52 belə çoxmərtəbəli binaya təbii qazın verilişini təmin edib. Bu binalardan 25-i ilin birinci rübündə, 27-i isə ikinci rübdə qazlaşdırılıb.

Xatrırladaq ki, 2012-ci ildə “Azəriqaz” İstehsalat Birliyi 60 çoxmərtəbəli binaya təbii qazın verilişini təmin edib.