Azərbaycanın görkəmli fırça ustası Səttar Bəhlulzadənin anadan olmasının 100 illiyi münasibətilə R. Mustafayev adına Azərbaycan Dövlət İncəsənət muzeyində silsilə tədbirlərin həyata keçirilməsi nəzərdə tutulub. Dövlət İncəsənət muzeyinin martın 13-ü saat 14-də Heydər Əliyev adına Müasir Təhsil Kompleksində təşkil etdiyi sərgi “Təbiət nəğməkarı” adlanır. Sərgidə S. Bəhlulzadənin əsərlərinin bir qismi nümayiş olunacaq. Rəssamın yaradıcılığı haqqında İncəsənət muzeyinin direktor müavini Elmira Qasımova, xalq rəssamı, M.F. Axundov mükafatı laureatı Altay Hacıyev və rəngkar rəssam Elşən Hacızadə danışacaq. Mövzu ilə bağlı Heydər Əliyev adına Müasir Təhsil Kompleksinin şagirdləri ədəbi - musiqili kompozisiya ilə çıxış edəcəklər. /ANSPRESS/
Səttar Bəhlulzadənin 100 illiyi
Səttar Bəhlulzadənin 100 illiyi münasibətilə sərgi keçiriləcək, Martın 13-ü Heydər Əliyev adına Müasir Təhsil Kompleksində “Təbiət nəğməkarı” adlı sərgi açılacaq
Şərhlər