Bu gün Beynəlxalq Muğam Festivalının təntənəli açılışı olacaq. Mərasim Beynəlxalq Muğam Mərkəzində baş tutacaq. Festivala İran, Suriya, İraq, Mərakeş, Özbəkistan, Tacikistan, Qazaxıstan, Misir, Türkiyə və Almaniyadan 67 iştirakçı qatılacaq. Müsabiqənin qaliblərinə 5 mindən 20 min avroyadək pul mükafatları veriləcək. 10 ölkənin musiqiçilərinin iştirakı ilə keçiriləcək konsertlər beş gün müddətində Beynəlxalq Muğam Mərkəzində, Dövlət Filarmoniyasında, Dövlət Opera və Balet Teatrında, Caz Mərkəzində təşkil ediləcək. Festivalın bağlanış mərasimi isə martın 25-də Heydər Əliyev sarayında keçiriləcək. /ANS TV/