Dahi Azərbaycan bəstəkarı Üzeyir Hacıbəylinin “Leyli və Məcnun” operasının ilk dəfə olaraq audio versiyası hazırlanır. Layihəni Mədəniyyət və Turizm Nazirliyi Azərbaycan Milli Konservatoriyası ilə birlikdə reallaşdırır.

Bu barədə məlumat verən xalq artisti Mənsum İbrahimov deyib ki, ilk dəfə olaraq studiya səviyyəsində audiodisk hazırlanacaq. Orkestr yazılışları və xor hissəsi artıq başa çatıb, audiolent yazısına başlanılıb.

M. İbrahimov bildirib ki, Azərbaycanda keçiriləcək “Eurovision- 2012” mahnı müsabiqəsinədək audiodisk hazır olacaq.