Azərbaycan mədəniyyət və turizm naziri Əbülfəs Qarayev Akademik Milli Dram Teatrının aktyorlarına xəbərdarlıq edilməsi ilə bağlı məsələyə münasibət bildirib. Nazir hesab edir ki, bu, qeyri-adi hal deyil.
"İstər xalq artisti, istər hansısa teatr işçisi olsun, hamı iş rejiminə riayət etməlidir. Bu, teatrdaxili məsələdir və fikrimcə, burada qəribə bir şey yoxdur. Bu, nizam-intizam məsələsidir. Xalq artisti, əməkdar incəsənət xadimi, adi aktyor, onların hər biri kollektivin üzvləridir. Hər kəs nizam-intizama riayət etməlidir!", deyə nazir bildirib.
Xatırladaq ki, Akademik Milli Dram Teatrının direktoru İsrafil İsrafilovun xalq artistləri Rəfael Dadaşov, Ramiz Novruzov və Məleykə Əsədova, eləcə də aktyor Tofiq Hüseynova nizam-intizamı pozduğuna görə xəbərdarlıq etməsi heç də birmənalı qarşılanmamışdı. Rəfael Dadaşov buna etiraz edərək, "Xalq artistləri ilə belə davranmaq olmaz!",-demişdi.
Əbülfəs Qarayev xalq artistlərinə xəbərdarlıq edilməsinə münasibət bildirib
Əbülfəs Qarayev: "Hər kəs nizam-intizama riayət etməlidir!".
Şərhlər